回巢TVB罗仲谦操肌迎女神！返港孖张牺雯拍《目击证人》 趁机同老婆杨怡火速造人

相信唔少观众都好挂住2016年拍完《潮流教主》就北上掘金嘅罗仲谦，嚟紧大家可以成日见到佢喇！事关谦仔嘅电影准备喺香港上映之余，亦会回巢TVB拍剧。谦仔主演嘅新剧《目击证人》(暂定名)有人气越嚟越旺嘅女神张曦雯做女主角同佢演感情戏，另外谦仔亦会同韦家雄玩「Hehe」，悬疑题材又有喜剧元素，噱头十足。

新剧《目击证人》(暂定名)准备开拍，早前已经透露准备回巢嘅罗仲谦担任男主角。张曦雯担任女主角，另外仲有张文慈，张秀文以及韦家雄，徐荣等有份参演。三年冇拍TVB剧嘅谦仔心情当然兴奋啦。一次有三位美女做拍档，佢就话已经获得老婆批准。佢都希望新剧可以拍摄顺利，早日同大家见面。

神剧预定？新剧题材占尽热门元素

谦仔呢次回归拍嘅剧集题材同阵容都相当唔错。新剧定位悬疑类喜剧，谦仔喺剧中演便衣警察，张文慈系佢家姐，系一个非常进取嘅女老师，男二韦家雄系一个有强逼症嘅富二代，张文慈喺剧中疯狂追求韦家雄希望嫁入豪门。

除咗张文慈同韦家雄，谦仔同女主角Kelly会有感情线之外，剧组仲预告新剧会有韦家雄×罗仲谦嘅hehe情结，似乎系一大爆点之一。谦仔都话自己好期待，同埋希望之后会有动作戏份咁话。

除咗张文慈同韦家雄，谦仔同女主角Kelly会有感情线之外，剧组仲预告新剧会有韦家雄同罗仲谦嘅hehe情结，似乎系一大爆点之一。谦仔都话自己好期待，同埋希望之后会有动作戏份咁话。

谦仔新剧一次过同三位姓张嘅女神合作，艳福不浅。除了张曦雯之外，还有张秀文和张文慈。

谦仔正为角色狂操肌，仲话要晒黑少少添。

心急造人 杨怡停工谦仔返港揾食

谦仔同杨怡结婚嘅时候正值事业上升期，虽然话两人算系女尊男卑嘅关系，但当时公司正准备培养谦仔成为一线。不过做咗人老公之后，谦仔想揾多啲钱养家，等老婆可以安心停工备孕，所以就选择北上发展。喺内地谦仔资源唔错，演咗唔少好电影，包括大制作嘅《西游记 女儿国》都有份演出。

罗仲谦喺电影西游记中同郭富城，冯绍峰，小沈阳，赵丽颖等一线红星合作。

虽则喺内地资源同收入都唔错，但早前谦仔返港宣传电影《小Q》嘅时候透露，之后会增加留喺香港工作嘅机会。事关考虑到同老婆结婚三年，家中长辈不断催两口子生B，佢哋都想快啲成功造人。再加上杨怡年纪唔细，越迟生压力越大，虽然北上掘金好重要，但同时亦难免会减少同老婆相处嘅时间。

谦仔关于导盲犬嘅电影《小Q》于香港上映，戏中佢同任达华梁咏琪合作，因为华哥受伤电影延期上映，谦仔都多咗时间喺香港。

再者，虽然喺内地有得捞，但拍嚟拍去始终都系男二男三，谦仔外形条件毫不输蚀，演技又喺TVB中打磨咗咁耐，距离大紫大红仲差啲机遇。宜家公司向谦仔抛出橄榄枝，佢当然好乐意把握呢个机会。TVB嘅剧集一向多人睇，喺度创作几个入屋嘅角色，都好有利于以后事业发展。

争取半年火速造人 谦仔盼一索得男

最近因为拍剧同电影宣传，谦仔透露会有半年时间留喺香港，佢希望把握机会同老婆造人，争取明年迎接爱情结晶品。

讲到想要B仔定B女，谦仔就话其实自己男女都咁钟意，不过如果第一胎如果系囡囡，担心老婆喺长辈度有追仔嘅压力，所以佢话想一索得男，咁之后就可以轻松啲。希望谦仔同杨怡可以得偿所愿啦。

谦仔同杨怡好似糖黏豆咁，感情一直好好，谦仔话想再同视后老婆合作拍剧，不过都要等生B呢个首要任务完成咗先啦。