2019国际先生我要参赛人员名单全球最美面孔出炉！

　　一年一度嘅国际先生又嚟啦，又到派福利嘅时候！经过一轮龙争虎斗嘅面试之后，最终参赛名单都出炉啦，小编当然会同大家睇下一班仔仔究竟系咩料子，究竟系咪都系美貌肌肉与智慧并重先！如果想知边个会卫冕第13届嘅国际先生，记住留意2月24号嘅决赛啦！

　　萌sun

　　by COSMO

　　26 Jan 2019

　　1.香港代表

　　有无谂过香港都有代表先？！唔好成日话香港男仔颓毒折，因为代表香港参赛嘅伟健绝对唔系！任职模特儿同私人健身教练嘅佢，可以话系样貌与肌肉并重，唔知有冇机会代表香港攞奖呢？

　　年龄：25岁

　　职业：模特儿，私人健身教练

　　2.台湾代表

　　亚洲代表有点止香港咁简单，睇完香港我哋飞远少少去睇台湾！台湾代表有张哲伟 Kevin，阳光嘅笑容绝对迷倒唔少粉丝，加上帅气嘅脸蛋同健硕嘅身材，真系好正呀！

　　年龄：26岁

　　职业：模特儿

　　3.韩国代表

　　再飞远少少去韩国！韩国嘅代表有황대웅 Dae Woong Hwang，任职消防员嘅佢有一身古铜色嘅肌肤，加埋超结实嘅肌肉，实在系十分养眼！

　　年龄：29岁

　　职业：消防员

　　4.日本代表

　　亚洲嘅代表又点少得日本！日本嘅Tsuyoshi Takimura系健美比赛嘅常客，IG几乎全部都系肌肉相咁济，睇嚟练得一身好肌肉的确下过唔少苦功！

　　年龄：22岁

　　职业：商业管理学生

　　5.印度代表

　　印度代表Balaji Murugadoss嘅职业系一位企业家，听上去事业有成咁㖞，唔知企业家呢个职业加上满身肌肉会唔会令佢喺比赛跑出呢？

　　年龄：23岁

　　职业：企业家

　　6.越南代表

　　亚洲嘅参赛选手仲有越南嘅Trinh Bao，千祈唔好睇佢一身肌肉，但系原来佢以前绝对唔系咁大只。佢嘅IG有post之前啱啱开始操练到成个操练过程嘅相，睇相都睇得出佢有几努力呀！

　　7.挪威代表

　　讲完亚洲就去睇下其他地方嘅选手，我哋首先去到挪威！挪威代表Mathias Duma有一种坏男孩嘅感觉，唔知系唔系真系男孩愈坏，女孩愈爱呢？

　　年龄：23岁

　　职业：模特儿

　　8.捷克代表

　　跟住有捷克嘅代表JIŘÍ KMONÍČEK，唔知有须All Back又有肌肉系唔系你杯茶呢？

　　9. 斯洛文尼亚代表

　　Matjaz Mavri-Boncelj嘅IG满满都系写真同工作照，虽然只得29个帖子，但系已经派晒军粮：由造型照、生活照到泳衣照应有尽有！

　　年龄：22岁

　　职业：Citroën & Peugeot会计部门

　　10. 西班牙代表

　　拥有46.4K粉丝嘅佢可以话系人气王，除咗粉丝多之外，IG更新都劲频密，家埋呢副Body同呢个样，仲边有得输......