《爱回家》废青安仔成功入屋 5点让你认识TVB处境剧小生周嘉洛

　　TVB 处境剧嚟讲，《爱．回家之开心速递》都算系高质，剧本贴地得嚟，一班演员亦相当有火花。前辈级演技超班，后辈级就演得够放，当中就以大学四子最抢眼。剧中饰演滕丽明儿子金城安（安仔）嘅周嘉洛越演越抢Fo， 将废青演释得淋漓尽致，讨喜又唔令人讨厌 。你们都想更深入认识呢位新生代可爱 废青吗？

　　早前《爱．回家之开心速递》播出嘅单元废青再培训（上、下集）笑点劲多，安仔大战女友Bonnie爸爸谭道德（陈荣峻饰），一幕幕爆笑场面，获不少观众大赞。

　　一个系严叔、一个系废青 ，两人擦出不少火花 ！安仔被谭氏夫妇禁室再培训，闷到开Live, 岂料误打误撞直播埋世伯全裸，呢幕亦系令小编笑得最癫一幕。

　　安仔废到连最亲嘅熊家都嫌弃，二姨熊若水（吕慧仪饰）闹佢闹到有口头禅乜大学咁教你㗎咩？！

　　安仔做废青盏鬼， 而佢同朱凌凌（吴伟豪饰 ）嘅兄弟情亦一样好睇，两个年纪相若嘅小鲜肉走埋一齐，有时仲Sweet过安仔同女友Bonnie。（hehe～）

　　（hehe～） 维基百科入面，甚至有人摆明恶搞，话周嘉洛现时男友系吴伟豪添。

　　对于这位废得来带点可爱的安仔，大家有兴趣更深入认识他吗？

　　1. 90后小鲜肉

　　金城安大家就叫得多，安仔真名其实叫周嘉洛,1995年出世，香港仔一名，中三之后就去过澳洲 留学。

　　细细个就已经钟意演戏，系学校剧社活跃成员，仲连续三年夺得香港学校戏剧节杰出演员奖。

　　小鲜肉想喺呢行立足，无返排肌肉傍身又点得呀？ 周嘉洛表面上有啲似孱仔，但原来内有乾坤，拍埋吴伟豪度都唔输蚀。

　　2. 艺员训练班入行

　　周嘉洛2015年系喺家姐鼓励下参加《第28期艺员训练班》而入行。

　　有份参演《爱．回家之开心速递》嘅吴伟豪同招浩明都系呢一期艺训班毕业，同周嘉洛做完同学再做拍档。

　　入行至今，周嘉洛嘅角色都系行行企企居多，直到2016年，演出《爱·回家之八时入席》先开始更多观众认识。

　　3. 现实中一样招积

　　废青安仔喺剧中成日认屎认屁，原来呢方面同现实中嘅周嘉洛好相似。

　　周嘉洛曾被爆有人尊称佢做嘉洛哥甚至家洛爷，叫得阿哥、阿爷当然唔只系一份尊重咁简单。

　　《爱．回家之开心速递 》饰演佢几位好兄弟嘅朱凌凌、傻强同阿壮都要睇佢头！佢自己都认为人比较嚣张、不知廉耻。

　　4. 好朋友系博士

　　唔系话有博士学历，而系讲紧《爱．回家之开心速递 》入面嘅博士秦博思（马贯东饰）。

　　安仔最好嘅朋友唔系朱凌凌咩？！

　　翻开周嘉洛IG （@kalok_），就会发现入面出现得最多嘅男性朋友系马贯东。

　　马贯东要短暂离开爱回家，周嘉洛亦有开Post 表示不舍。

　　冻龄关键在子宫保养！推介3款暖宫菜式养好子宫 皮肤自然紧致年轻

　　以凄美雪景向老佛爷Karl Lagerfeld作最后道别！回顾Chanel历年来的经典秀场设计

　　真命天子原来是他？吴谨言被指恋上延禧攻略旧柏档

　　贵妇名媛上机用这些打开阔太们的绝密旅行化妆袋

　　可能系因为喺《爱·回家之八时入席》已经接触得多，所以特别投契？

　　两人经常互Tag, 更会互相影靓手，摄影似系佢地嘅共同兴趣。

　　5 . 恋爱经验浅

　　剧中Bonnie系佢初恋，好多小事上都展露出佢嘅拍拖经验值系几咁低。

　　23岁嘅周家洛青靓白净，有样有肌肉，性格突出有自信，咁嘅条件，追女仔应该唔难。

　　不过原来佢嘅恋爱经验并唔多，只系拍过3次拖，仲要全部都系Puppy love