张栢芝上晒瘾！吴谨言、刘嘉玲都玩 女星最新动态都在小红书？

　　明星平时食咩用咩著咩，都会成为潮流嘅风向标，内地社交平台小红书有唔少女明星进驻，喺里面Po相同短片，分享自己嘅爱用品同护肤，美妆，瘦身心得。刚生完第三胎的张栢芝就亦系小红书嘅忠实用户，生活一点一滴都会喺小红书上同fans开心share。而除咗张栢芝之外，好多女星都会喺上面分享最新动态。看来小红书在内地的地位是已经取化Instagram, 将会有更多香港艺人加入赚人气。

　　虽然栢芝删咗自己嘅IG帐号，不过有小红书咁多靓相同分享，fans一定睇得好够皮。栢芝喺小红书上足足有成80万fans追踪，人气超高。

　　张栢芝旧年8月突然停用自己嘅IG 帐号，fans都好担心以后冇得再追踪栢芝嘅近况。不过大家唔驶惊，早前栢芝就开通咗微博同fans开心分享佢嘅生活点滴。栢芝喺里面仲会教大家点快手煮嘢食，非常贴地。

　　情人节当日栢芝po咗张同两个囝囝嘅合照，Sweet到爆呀，两个囝囝都相当靓仔。

　　小红书上有栢芝公开自己嘅化妆箱短片，原来女神都like平民化妆品。

　　栢芝仲有好多教煮食嘅短片，多数都非常简单容易上手，佢仲话自己最爱食生洋葱。

　　栢芝仲会喺小红书帮手宣传新戏。

　　栢芝仲会推荐孕期食用嘅各种营养产品，原来佢生完第三胎都可以keep得咁好系有原因架！生完小王子冇耐栢芝已经火速投入健身恢复身材嘅锻炼中，佢就教大家用呢种滚筒小工具嚟辅助做gym，栢芝话对瘦小腿瘦肚腩超有效！

　　(不过可能系因为自己用电话拍嘅原因，基本上栢芝分享嘅vlog画质都麻麻哋咁。)

　　除咗栢芝之外，刘嘉玲都好钟意喺小红书同大家分享佢爱用化妆品

　　有带货女王次称嘅范冰冰曾经也是小红红人，推荐过嘅面膜只要一po出嚟马上会俾fans买断货，带货能力超级强，可惜因为逃税事件形象插水，冰冰都冇再分享任何爱用品，非常可惜。

　　红遍两岸三地嘅魏姐吴谨言最爱喺小红书分享香水。原来佢系平时可以唔化妆，但一定要喷香水嘅类型。佢都超钟意推荐香水俾fans。当然分享之余都不忘宣传下自己的剧集。

　　星女郎林允喺小红书有900几万粉丝，相当有人气，佢由衣着打扮到化妆护肤都系大家疯狂模仿嘅对象。