《波希米亚狂想曲：摇滚传说》让新一代认识传奇乐队

　　第91届奥斯卡金像奖最佳电影入围名单中，全都是票房上相当卖座嘅电影，当中《波希米亚狂想曲：摇滚传说》（Bohemian Rhapsody）在全球横扫8亿美元票房，质素无庸置疑。《波希米亚狂想曲：摇滚传说》为2018年数一数二嘅人气之作，早前喺金球奖上亦先拔头筹赢得最佳男演员以及最佳剧情片。今届奥斯卡获五项提名，唔知电影可否食住个势，再下一城？

　　《波希米亚狂想曲：摇滚传说》让新一代认识传奇乐队

　　对于英国乐队Queen你或者认识唔深，但你一定对经典名曲如《We Are The Champions》同《We Will Rock You》 耳熟能详。呢队乐队之所以闻名于世，除咗歌曲风格多元化而且歌词激励人心，亦因为主音Freddie Mercury嘅才华魅力深深俘虏乐迷，可惜佢喺1991年死于爱滋病。

　　为咗纪念主音Freddie Mercury呢位鬼才，呢套《波希米亚狂想曲：摇滚传说》亦以佢为灵魂核心，作为Queen嘅传记电影。早于2010年已传出筹备开拍嘅消息，特别在请嚟乐队成员Brian May同Roger Taylor担任顾问，由选角以至拍摄时佢哋都有份参与，确保电影原汁原味表达出Freddie Mercury以及乐队嘅传奇一生。

　　《波希米亚狂想曲：摇滚传说》对从未接触过Queen嘅90后甚至00后而言，同样娱乐性十足。Queen乐队发迹史可谓有血有泪，加上以脍炙人口嘅经典金曲贯穿成套戏，容易令观众投入，重新认识呢队家传户晓嘅乐队。

　　Bohemian Rhapsody戏名由来

　　《波希米亚狂想曲：摇滚传说》的英文名为《Bohemian Rhapsody》，稍为留意Queen嘅朋友都会知道这是系乐队成名金曲，亦系佢哋其中一张专辑嘅名字。电影故事核心系讲述乐队当年创作呢张专辑嘅过程，当中观众会得知唔少歌曲创作嘅背后故事同小趣闻。

　　讲返呢张专辑入面有唔少歌曲其实都代表到Queen或Freddie嘅重要历程，包括从当年嚟讲走破格Glam Rock风格嘅《Bohemian Rhapsody》就知道乐队对原创同突破嘅坚持，而《Love Of My Life》就系表达咗Freddie发现自己系双性恋时嘅纠结。

　　《波希米亚狂想曲：摇滚传说》男主角人选多次变动

　　《波希米亚狂想曲：摇滚传说》之所以咁迟先开拍，其中一个原因都系遴选主角需时。由于Freddie Mercury系帕西裔，加上气质独特，而且又要有一定嘅演唱功力，制作团队都花咗一定时间去寻觅合适演员。直至遇上埃及裔演员Rami Malek，最终敲定佢系电影主角。

　　Rami Malek代表作为美剧《Mr. Robert》嘅Rami， 曾于2016年荣获艾美奖最佳男主角，但当时佢喺影坛上未算为人所识，但为准备角色，佢花咗唔少工夫，甚至戴上牙套进一步模仿角色神髓。最后成果嘅相似程度，都令观众大为惊讶！立即回顾他之前嘅作品，就知佢有几好戏！

　　神还原Queen史上最重要演出 奠定《波希米亚狂想曲：摇滚传说》的成功！

　　《波希米亚狂想曲：摇滚传说》未上映前，已凭最后一幕神还原1985年被誉为史上最震撼的rock show之一－－Queen喺Live Aid的演出，获得外界一致好评。呢段十分钟嘅演出无论布景道具设置，以至主角演唱时的举手投足都100%照足当年表演的每一个细节，两段片段放埋一齐播，电影入面呢一幕真系几何乱真呢！

　　主角Rami Malek事后亦喺访问中表示原来最重要呢幕系电影开拍首天就拍摄，对成个制作团队嚟讲都好大挑战。

　　或者监制想知我哋到底有冇能力胜任演出呢套电影，如果我哋喺呢场表现唔理想，就可以直接终止演出，哈哈。Rami笑说。佢形容完成首日拍摄工作后，收到之后嘅拍摄更表，心情更加激动兴奋，就已经好似赢咗奥斯卡一样！