《真情》VS《爱回家》两大经典处境剧大比拼！斗CP、斗奸角 你钟意边套？

　　提起处境剧，相信《真情》同《爱‧回家》都会喺大家心中经典嘅头两位入面，两剧都系以温馨家庭为主线，但后者就以情景剧嘅形式，一集一个单元，当然前者要维持住个故事吸引力，加入好多特别嘅故事线都系一个吸引之处，大家各有各好难怪成为众人心中经典！

　　《真情》VS《爱回家》：斗主题曲

　　《真情》播出已经超过20年，但系由李乐诗主唱嘅主题曲无悔爱你一生绝对可以话系hit到宜家，笑声笑声满载温馨，快乐发心内更加系时下年轻人成日引用嘅歌词之一。

　　至于《爱‧回家》第一辑揾嚟欣宜唱嘅拥抱爱都曾经多次成为年轻人改编歌嘅目标，第二至四辑嘅主题曲虽然唔系人人都识唱，但主唱嘅都有当家花旦黄心颖，又有曾经包办唔少剧集主题曲嘅歌手吴若希，一啲都唔马虎！

　　《真情》VS《爱回家》：斗人多

　　如果斗演员人数，一定系《爱‧回家》赢，因为佢已经开到四辑，四辑演员加埋已经过百，而且经典角色更加系令人深入民心。

　　马家一家相信比起叉烧炳一家更加入屋，因为佢哋直头踩过界做埋综艺节目《马家开饭》，以戏剧形式介绍香港美食，可想而知马家受观众欢迎嘅程度系几咁高！

　　《真情》VS《爱回家》：斗集数

　　《真情》系香港电影史上播放时间第二长嘅电视剧，合共播出了1128集，可以话喺香港人心目中系一个经典嘅创举，而《爱‧回家》四辑夹埋一定多过《真情》，但以单辑嚟计，暂时都未有一辑可以打破《真情》嘅纪录，就连主演过《真情》同《爱‧回家》系列嘅丹爷都希望《爱·回家之开心速递》再添食，挑战到 《真情》嘅纪录！

　　《真情》VS《爱回家》：斗奸角

　　讲到《真情》嘅奸角，一定会谂起郑子诚饰演嘅李子浩，佢逼May May食泥