《真情》重播了！盘点6大TVB经典处境剧

　　《真情》相信系好多次7、8、90后嘅集体回忆，近排佢终于重播喇！好多粉丝都话要追返4年！处坏剧实真系陪住不少人成长，就等小编同大家盘点一下经典处境剧，你就算冇每集追过，但都必定听过兼睇过！

　　经典处境剧1. 《卡拉屋企》

　　如果你系80后，相信对呢套处境剧都唔会陌生，以警察世家做主线，最吸引之处就系有上年攞咗终身成就奖嘅楚原，呢部亦系楚原第一部参与嘅电视剧，佢仲有份参与度对白，令到对白非常精警，另外亦有吴镇宇、卢宛茵、郑敬基、欧阳震华等演员坐阵，仲有美魔女李婉华，虽然淡出咗娱乐圈移民加拿大，但上年2018年佢都有回归幕前，过吓戏瘾，客串无线重头剧《再创世纪》。

　　经典处境剧2. 《真情》

　　《真情》呢套处境剧可以话系香港人嘅集体回忆，佢系香港史上播放时间第二长嘅电视剧，一个以三代同堂嘅家庭为背景，叉烧炳(刘丹)、善姨(李司棋) 等等你随口都讲得出嘅经典角色

　　但随着有好姨(家燕饰)一家人嘅加入更加有狗血嘅剧情，当中以MayMay (马蹄露饰)嘅故事线最为人津津乐道

　　《真情》收视曾高达43点，里面的角色你认得几多个呢？

　　经典处境剧3. 《男亲女爱》

　　由Do姐同子华神合作嘅《男亲女爱》，真系一次可一不可再嘅合作，两人嘅抵死剧情更加系令人抗拒唔到一睇再睇，当中最令人印象深刻一定系Miss毛嘅抵死金句

　　你同我off啦！、你BT，Bad Taste！我哋系professional架嘛！、即刻卸膊，正一三尖八角等等，呢啲金句到宜家都唔out，呢套剧更创下50点嘅收视纪录，成为经典！

　　经典处境剧4. 《皆大欢喜》(古装版) 及 (时装版)

　　《皆大欢喜》嘅主题曲你无理由会唔识唱啦！由家燕姐带领一众演员如林文龙、谢天华、赵学而、梅小惠、阮兆祥、廖碧儿等演出嘅《皆大欢喜》，除咗喜剧感超强之外，亦典定咗处境剧总要食字先过瘾，池力共镇、洞蜜园等名称大家都唔会陌生！

　　后来更因为古装版受欢迎所以加开了时装版，古装版最后一集更将背景跳跃至现代，增加两辑的连接性！时装版亦保留大部份演员同角色名，更加入不同的演员增加新鲜感，如钟嘉欣、马浚伟、刘玉翠等等！

　　经典处境剧5. 《同事三分亲》及《毕打自己人》

　　《同事三分亲》及《毕打自己人》呢两套剧可以话系姐妹剧，前者揾嚟好耐无拍剧嘅关咏荷、金燕玲同埋江欣燕主演，佢嘅集数亦由最初120集增至364集，故事围绕住广告公司，而呢套剧亦开始咗情景剧嘅设计，就是每集一个支线故事，追起剧上嚟就非常轻松。

　　至于《毕打自己人》就由毛舜筠同黎耀祥主演，仲揾嚟金燕玲同何守信坐阵，剧集以毕打街为背景，更有不打自己人嘅意思，大玩食字！

　　经典处境剧6. 《爱‧回家》系列

　　数到近年最受欢迎嘅处境剧，一定系爱‧回家系列，第一辑马家嘅一举一动成为大家每日必定留意嘅节目，延续情景剧嘅设计令到观众相当受落！马强(徐荣饰) 、劳丽嫦(林漪娸饰) 、马壮(黎诺懿饰) 等等嘅重点角色更加系深入民心。

　　去到第二、三辑，就以全新故事，加入新嘅演员但都唔够第四辑《爱‧回家之开心速递》劲，林淑敏凭住龙力莲呢个角色得到最佳女配角嘅殊荣，所以处境剧系畀观众送饭之余，亦系畀演员有所发挥嘅黄金时段！