唯一大满贯演员金像奖拿男女主角最多？

　　以为过完农历新年同情人节之后就无节目呢？梗系唔系啦，去到4月除咗有复活节，当然唔少得香港电影金像奖啦！第38届香港电影金像奖将会喺4月14日晚上于香港文化中心举行，作为电影迷嘅你准备好未先？未准备好嘅话，等我哋一齐嚟会估下一啲金像奖之最啦！

　　最多提名电影

　　由第一届开始起，获得最多提名嘅电影总共有4套，各获得共16项提名。估唔估到究竟有边几套呢？佢哋分别系《卧虎藏龙》、《无间道》、《功夫》同《十月围城》。

　　获奖最多电影

　　史上获奖最多嘅电影系王家卫执导嘅《一代宗师》，由梁朝伟饰演叶问，而12个奖项成为咗获奖最多嘅香港电影金像奖电影。《一代宗师》以12个奖项成功击败1996年《甜蜜蜜》9个奖项嘅纪录！

　　获得最佳女主角次数最多演员

　　张曼玉被提名咗9次最佳女主角，当中4次成功获奖，经典嘅作品包括《人在纽约》、《阮玲玉》、《甜蜜蜜》以及《花样年华》。

　　获得最佳男主角次数最多演员

　　应该好多人都估到......就系梁朝伟啦！经典作品包括《重庆森林》、《春光乍泄》、《花样年华》、《无间道》同埋《2046》！

　　年纪最大得最佳男女主角

　　最佳女主角入面年纪最大嘅得奖者系罗兰！罗兰当年以1999《爆裂刑警》中饰演老人痴呆嘅四婆一角获奖，当年66岁嘅罗兰以精湛嘅演技深得观众欢心！而年纪最大嘅最佳男主角就系凭《女人四十》封帝嘅乔宏，得奖嘅时候69岁。

　　大满贯演员

　　攞哂最佳新演员、最佳男/女配角、最佳男/女主角嘅演员究竟系边个？究竟系刘青云、张曼玉定期梁朝伟？Nonono，你哋都错哂，因为佢系chef le mon谢霆锋！谢霆锋喺1999年凭《新古惑仔之少年激斗篇》陈浩南一角获得最佳新演员，2010年凭《十月围城》嘅邓四弟获得最佳男配角，再喺2011年凭《线人》嘅细鬼荣获最佳男主角！