怪奇物语3抢先看！Stranger Things剧情懒人包 Netflix最新一季章节名暗藏玄机？

　　深得香港人欢心嘅 Netflix 经典神剧《怪奇物语3》（Stranger Things 3）7月6号上线！今夏热浪将与未知暗黑力量一齐袭击世界，准备摧毁一切！最新预告依然充满住浓浓嘅 80 年代复古美国味，但主题就唔再围绕老是常出现嘅星城购物中心（Starcourt Mall），反而多咗好多流晒鼻血嘅 Eleven （Millie Bobby Brown 饰）超能力打斗场面。而对手好似都唔再只系得 Demogorgan 一个⋯

　　到底今季会否揭露更多同颠倒世界（The Upside Down）有关阴谋呢？令人相当期待！如果你依然一集都未睇过，唔惊！以下就比你快快哋用三分钟去睇下呢个《怪奇物语》一、二季嘅剧情懒人包，悭水悭力！本身系Fans嘅你都可以一齐回味下！

　　《怪奇物语》（Stranger Things）由一班小朋友入面其中一个神秘失踪后，一位慈母用尽唔同方法想要拯救佢个仔开始！当时只有呢位母亲同佢地型死党深信佢仲在生，呢个时候又失惊无神出现咗个有超能力嘅女仔Eleven，两季加埋，到底系讲啲咩呢？

　　第一季剧情懒人包

　　踩夜车细路离奇失纵

　　故事发生喺1983年，印第安纳洲一个名为霍金斯（Hawkins）的小镇内。首先你要认得四个主角，分别系肥仔Dustin、「伏匿匿」高手Will、青蛙面Mike同冲动过吴卓羲嘅Lucas，佢哋系同一间中学读书，系打风都打唔甩嘅死党。有一晚，佢哋一齐喺Mike屋企玩桌上游戏后，便各自回家；但喺回家路上，Will突然被怪兽Demogoron捉走带到去颠倒世界（The Upside Down）。Will嘅妈妈Joyce发现个仔人间蒸发后，就马上寻求警长Jim帮手。

　　超能力女孩 Eleven 加入

　　另一边厢，喺Dustin、Mike、Lucas三个不断寻找好友下落嘅期间，遇上咗一个著住医院袍疾走嘅女孩子Eleven，佢其实识得用超能力，啱啱由实验室逃跑出嚟嘅，因为佢嘅父亲Martin博士自Eleven仲系婴儿开始，就对佢进行不人道实验，希望将佢变成军事武器。三人组商量过后，Mike决定将Eleven收留喺自己屋企嘅地下室到。

　　不惜一切救 Will 回现实世界

　　为咗救啊Will，Jim同Martin博士开交换条件，Jim需要透露Eleven身处的位置，博士就要容许佢进入实验室之中通住颠倒世界的缺口。达成协议后，Jim同Joyce一齐进入颠倒世界，开展拯救Will嘅工作。

　　与此同时，Demogoron因为闻到浓浓嘅血腥味，而马上冲上嚟开餐。Martin博士嘅手下亦于此时赶到，可惜人就捉唔到，魔神就一秒撞到，最后敌唔过佢嘅血盘巨口，全军覆没。为咗保护三人组，Eleven施尽浑身解数，最后爆Seed，同Demogoron同归于尽（其实只是进入了颠倒世界）。Jim同Joyce亦成功喺颠倒世界揾番Will，将佢带番嚟现实世界。

　　第二季剧情懒人包

　　一切由 Will 呕出一条虫开始

　　霍金斯小镇接二连三出现奇怪现象，Will喺第一季最尾被神秘生物入侵身体，开始毫无预警嘅情况下被迫传送翻去颠倒世界，更发现体型庞大嘅新怪兽MindFlayer正不断尝试接触自己。

　　Eleven逃出颠倒世界后，被神探Jim秘密收留喺森林小屋，以免被外界发现佢嘅存在。但系，Eleven一直心系外面的世界同Mike，亦因为咁同Jim多次争执，关系渐趋紧张。

　　霍金斯小镇接二连三出现奇怪现象

　　南瓜田开始离奇枯萎，周遭植物更有颠倒世界嘅特征：四处布满黑色黏液。神探Jim又再次爆发佢嘅侦探小宇宙，发现事件可能与实验室有关，原来实验室嘅缺口又再蠢蠢欲动......

　　先讲返Will，Will母亲Joyce一直都系单身，但喺本季识咗新男友啊Bob。Bob虽然非常友善，但就做咗人生一个最坏嘅决定：鼓励Will向「梦中」嘅怪物投怀送抱。弱弱的Will接纳咗佢嘅意见，结果被Mind Flayer成功上身，逐渐控制佢嘅自主意识。

　　被 Mindflayer 上身嘅 Will 开始行径诡异

　　绘画奇怪嘅图画，连Joyce都不明所以。Jim喺调查南瓜田期间，又唔小心坠入地下通道。聪明嘅Bob终于将所有拼图拼埋一齐，发现原来南瓜田下面系霍金斯嘅地下通道；佢哋成功救返Jim嘅时候，邪恶实验人员就赶到，打算用喷火器烧毁因颠倒世界缺口而形成嘅地下通道，一烧起上嚟，Will就痛苦不已，马上被送往实验室治疗。而佢哋都发现咗，如果完全摧毁地下通道，Will就会死。

　　由于Will同Mind Flayer已成一体，佢误导实验室成员走入地下通道，攻击Mind Flayer嘅「弱点」。实验室成员遭到大量Demodogs袭击，又再全军覆没，Will成为咗Mind Flayer在现实世界的间谍，同时，Demodogs亦开始袭击实验室总部，为了拯救Joyce、Jim同Will，Bob就壮烈牺牲咗。

　　三人组 Dustin, Lucas 和 Mike 再度出击

　　Mike估计Will已经成为咗Mind Flayer监视大家嘅武器，因此为咗隐藏大家行踪，佢哋将Will困咗喺连佢自己都唔知嘅地方。Joyce尝试以回忆唤醒Will嘅自我意识，Will用手指打出摩斯密码：CLOSEGATE，意思系要大家关上实验室里颠倒世界缺口，先可以击败Mind Flayer。然而，佢哋却唔小心俾Will知道咗自己所在位置，Mind Flayer派出大量Demodogs进行攻击...（未完嘅）喺关键一刻，Eleven霸气出场，用超能力将所有怪兽杀死，仲用量毕生功力关闭大门，保大家安全。

　　最后，学校举行冬日舞会，个个都有舞伴，Eleven同Mike有终于可以一齐，真系咁大团圆结局 ！

　　《怪奇》主角拍片再送懒人包

　　前排Netflix仲上载左一段15分钟嘅短片，揾黎一班男女主角声音导航，绘形绘声！

　　八集章节名内有玄机？

　　其实上年Netflix已发布了第三季前导预告，虽然当时没有任何剧情画面，但一口气公布了八集的章节名称。

　　怪奇物语目前出场过嘅角色里，唯一嘅“Suzie”系Susan Hargrove，佢系第二季首次出现嘅新角色： Max同Billy嘅妈妈。Suzie章节暗示今季佢将会成为故事嘅核心角色之一，抑或系另有其人呢？

　　由章节名称可见，第三季将有好多故事发生响刚开幕嘅购物中心入面，上年七月Netflix上载嘅前导影片中，我地可以睇到充满80年代风格嘅开幕广告影片，当中仲有多个美国知名品牌：包括GAP、Waldenbooks、Sam Goody唱片店、BurgerKing、Scoops AHOY雪糕店⋯⋯等。

　　Nancy嘅前男友，Steve都出现响StarCourt购物中心嘅广告入面，似乎响雪糕店打工。顺带一提，隔离个女仔系今季新演员Maya Thurman Hawke，系影星Uma Thurman同Etvvhan Hawke个女，唔知会擦出咩火花呢。