解构男生6个不想爱爱原因！影响性欲的主因是...

　　成日听到啲男仔话有得食唔食罪大恶极！，如果有女仔主动送上门，又或者女朋友主动引诱梗系上马啦！但事实又系唔系咁呢？都曾经听过唔少姊妹话男朋友竟然「唔想要」，究竟系自己唔够吸引定系对方觉得闷？除咗外在因素之外，其实男生唔想爱爱可能有其他原因！

　　1. 无FEEL

　　女生成日都以为男生可以将性同爱完全分开，觉得男生应该跟谁都可以上床！但其实有无Feel对男仔嚟讲一样重要，所以未必一定系「有得食唔食罪大恶极！」男仔身体无错好诚实，莫讲话系送上门，随时连见到热妹或者裸女都会有生理反应。但到实战起上嚟，其实男生都好重视情感连结。都系个句啦，肚饿要食饭，但如果食到自己钟意食嘅嘢会开心啲！

　　2. 工作太攰

　　一整天超疲累工作过后，仲要陪你玩，然后随时第二朝有超重要会议要开，绝对唔可以迟到！真系听到都觉得攰，女生们就体谅一下另一半有时工作的确超辛苦，返到屋企只系想好好休息下！

　　3. 缺乏新鲜感

　　同居太耐或者结咗婚嘅朋友仔可能会遇上呢个问题。当两个人一齐太耐，爱爱次数都会相继下降。并唔系觉得你无吸引力或者唔够性感，只系新鲜感不再，要睇嘅又看睇过，要试嘅又试过，就唔会好似以前热恋时刻刻都想要！天天同床就会觉得就算一两日不做都可以！

　　4. 喝醉只想睡

　　电视电影成日都会见到酒后乱性，或者男女饮醉酒就会展开超激烈床战，但其实男生们都表示饮醉后都只想睡！当男生饮醉酒，性感内衣加诱人音乐嘅吸引力随时都比唔上一张床！

　　5. 感情变淡

　　男友对你无性趣其中一个原因可能真系因为感情变淡，渐渐觉得爱爱只系在履行作为男友嘅义务，而唔觉得开心或者甜蜜。当两个人一齐得耐，而你又发现男友睇A片打飞机次数增多，相反掂你嘅次数减少，可能你就要多加留意一下。

　　6. 怕整亲你

　　听过有男仔话惊整痛女朋友，所以唔太敢掂佢。女朋友有阴道炎，又或者分泌唔够所以爱爱时候感到痛楚，呢啲情况其实都有机会吓怕男友。