手指心心OUT！韩妹教你10款心心Pose影相卖萌无难度！

　　影相卖萌扮可爱有咩方法？相信好多女孩子都会第一时间谂起手指心心嘅甫士，用手指扮心心曾经红极一时，几乎每个人影相都会用上佢！其实除咗手指心心之外，仲有10款心心Pose，一次过话你知啦！

　　1. 天鹅心心

　　好似两只天鹅碰头，又恰好似一个心。只要每人一只手，手踭碰手踭，手指碰手指，然后手腕再微微卷曲就完成啦！拍摄情侣照一流！再夹埋一套情侣装，简直要闪盲所有人呀！

　　2. 跳起心心

　　两个人跳起然后形成心心形状。虽然呢个甫士看似容易，但实行起上嚟其实需要合拍性同柔软度，各位朋友仔可能要试多几次唷！

　　3. 头顶心心

　　影相唔一定次次都要出样嘅，影后一样可以好有格调！

　　加埋靓景，顿时令相片劲有Feel！

　　4. 遮面心心

　　好可爱㗎呢！就算冇化妆都唔使惊啦，两只手就遮住晒啦！

　　就算一班人影都一样好Cute Cute！

　　5. 借位心心

　　想搞搞新意思不如试下借位砌心心！如果情侣影仲可以低调放闪添！

　　6. 头发心心

　　用头发砌心心其实都唔陌生，但要注意头发一定要有返咁上下长度先可以做到，如果头发太短砌出嚟又会唔靓！

　　7. 手踭心心

　　手踭都可以砌到心心，不过同跳起心心一样呢个动作系需要柔软度。更加有肌肉型男士表示根本做唔到呢个动作，因为手臂肌肉同胸肌系会顶住咗。

　　8. 多人心心

　　就算多人合照一样冇难度，就算多人都可以砌到心心！下次如果唔想企定定喺度影相咁闷，不如试下呢个！

　　9. 樽盖心心

　　用完嘅樽盖加上少少创意，将凸出嚟嘅铁丝卷起形成弯曲形状，就可以成为一件props！要变心心真系话都冇咁易！

　　10.干杯心心

　　就算唔影样一样无问题，有冇谂过食饭都会整到心心？你只需要两只杯就做到！Cheers！但系记住揾只细只啲嘅杯，如果唔系会揸唔晒㗎！