男生心底小秘密！5件男生从不会跟女生说的事

　　以为只有女生先会口不对心或者收埋收埋唔讲？当然不是！有冇谂过男生都会咁，有啲嘢甚至当了男朋友都不会说出口，可以话系男生内心小秘密。快啲了解呢5件事，助你完全解读男生同男朋友！

　　1. 其实比较喜欢你素颜的样子

　　女孩子觉得化妆系提升自信嘅方法，所以去约会前定必化返个靓妆甚至会重装甲（假睫毛、红唇、闪粉...）。但其实很多男生比较喜欢女生／女朋友淡妆甚至素颜，只要简简单单就好了。又不是要向其他人炫耀自己女朋友，你太浓妆抹艳相反有机会令另一半担心。所以你会发现男生通称GF-able嘅女生都系会有着一种邻家女孩烂漫纯朴嘅感觉。

　　2. 偶尔也会假装高潮

　　女生要达到高潮十分难，所以经常听到身边姊妹话会假装高潮，只为满足男朋友。但其实男生也会假装高潮或者夸大自己嘅感觉，只系次数无女生咁频繁（话晒男仔要高潮容易咁多）所以千祈唔好以为得自己系好演员，话唔定你另一半都系。

　　3. 睇A片 ≠ 你满足唔到佢

　　好多女生都好在意另一半会睇A片，甚至会谂系唔系我唔够吸引？系唔系我满足唔到佢？......其实男生睇A片都只系为咗发泄压力，想打个靓J姐，就好似你都会煲韩剧啦，都会J朴宝剑、宋仲基同孔刘啦，所以女生们唔需要过份敏感，因为男生睇A片系一件好正常嘅事，唔需要过份紧张。

　　4. 希望有一点私人空间

　　喜欢你所以希望我的世界都有你，同女朋友一齐相处系开心，但如果分分秒秒都要见好似糖黐豆咁，有机会令男生感到压力。无论系单身定系交往中，都需要私人空间去做啲自己想做嘅事情。所以无必要要求男朋友兄弟VS女朋友二拣一，你都会同闺密行街睇戏食饭影相，咁点解男友唔可以同一班兄弟打机、饮酒、打波呢？

　　5. 想得到你的赞赏

　　女生喜欢听男生甜言蜜语，赞你话你好靓、你好可爱、好似瘦咗㖞！......其实男生都钟意听，但开口叫你赞佢未免太尴尬了吧！所以记住喺适当时候卖口乖赞吓另一半，讲一句你好叻呀！或者今日好靓仔呀！都唔系好难姐！